Bim Brünneli

1. Bim Brünneli stahni am Morgä scho früeh, la z'Hörnli ertönä bis ufä i d'Flüeh. Da chömid dur's Gässli duruf und durab, die Geissli im luschtigä Trab.
   Jodel
2. Mit fröhlichem Bimmlet gaht's munter duruf, glii gsehni wyt undä am Raindli es Huus. Det bliebt mis lieb Müeti bis am Abig ällei, drum schick ich e Jutzer ihm hei.
   Jodel
3. Wie gern i mis gschägget chli Geissli doch haa, es schrietet und gümplet mier überall naa. Da obä bim Hüete uf luftiger Weid, da findäni Geissbuebä freud.
   Jodel
4. Am Abig da gönd mier glii wiederum hei, zum liebä Müeti, s'isch doch so ällei. Es gid mer es z'Abig mit Chäs und mit Brot, bim Müeti hesch halt e kei Not. 
   Jodel