Dr Älpler (Dr alt Älpler)

1. Ä altä Älpler bini ja nur, ha Freud a dä Bärgä där wildä Natur, mit minä Lobäli ziäni fürwahr, uf d’Alp sid dr Chindheit Jahr für Jahr.
2. Im Lanzig wänns warmät und ds Wätter isch guät, wänn’s chimäd und afä gruänä tuäd, dä chunt’s dur mich ufä äs isch grad ä Plag, i luägä da ufä scho jedä Tag.
3. Und äntlich hed’s Gras, der Summer isch cho, au d’Chuäli si merkids si brüälid ä so, ich leggä a jedäm sis Trichäli a, miär chönid hüt wieder uf d’Almig ga. 
4. Was macht mi da obä doch immer so froh? Diä Rueh und der Fridä wo isch nu ä so, was hends i dä Städt für nä trurigä Lärm, wiä lid uf mim Älpli das alls so färn.
5. Und muäss ich dä einisch mis Plätzli verlah, so hani ä Bitt und so dänkid au dra, tüänd hüätä und bschützä doch all mitenand : mis schönschti Stuck Heimat, ds’liäb Alpäland. :