Dr Wildärär

1.  Am Muotalauf, da gseht mä mängä Hirsch, das ziäht dr Bärgler uf diä heimli Pirsch, Rehli springid durä grüenä Wald und vom Schuss dä s Echo widerhallt. Gämschi grasid uf um Felsäband und dr Wildschütz hed ä schnälli Hand, isch är obä a dr wildä Fluäh, schiässt är s Gämschi niämer chund därzuä.
   Jodel
2. Und Fuchs und Haas, die schiässid s i dr Nacht, wänn der Vollmond grad vom Himmel lacht, tönt am Ölfi scho ä hertä Schuss, macht s a mängum scho ächli Värdruss. Und äsoo wird ddussät mängi Nacht, bis dä glii ä nüä Tag erwacht und wänn a der Sach dä nüüd sött sii, sägid s bloss, äs isch ä blindä gsii.
   Jodel
3. Am Muotalauf, wänn einä s Wildärä packt, der Wildhüeter sich uf d Sockä macht, gahd är uufä bis a höchä Grat, doch är chund dä mängisch ächli z spaat. Und cha einä s Wildärä nüd la sii, wend die Meitschi sinä Schatz nüd sii, sie wend einä, wo nüd Chummer macht, lieber einä wo chli Musig macht.
   Jodel