Heimweh

1. I Bin e Bueb vo jung a Jahre, nime Abschied vo dihei. Vo mim Aetti und vom Müetti und vom Huus am Chilerain. Schwenke z'Hüetli ob em Hüüsli, lebid wohl viel tuusig  mal. : Z'Heiweh nimmt mi will i fort muess, vo dihei vom Wiesetal :
2. S'isch e Schmerz ihr liebe Fründe, wenn eim z'Heiweh übernimmt. Und i denk a all die Stunde, wo-n-i no deheim bi gsy. S'chund es Briefli vo mim Aetti, drinne staht, was Heiweh isch. : Arme Bueb dis Müetti chränklet, sid du nümm' deheime bisch :
3. Bi scho mängs Jahr i der Frömdi, z'Gwüsse plagt mi sid der Stund, und im Stille denkt au z'Müetti, ob der Bueb ächt ume chund. S'tönt e Juutz grad ob em Hüüsli, z'Wiesental hed Sunneschy. : Müetti lueg din Bueb chund heiwärts, z'Heiweh, alles isch verby : 
   Jodel