Muotathaler Neujahrslied

Mier fand grad aa und stand scho da, mier wüschid a allnä äs guäts nüs Jahr. Ä guätä Abig gäb üs Gott, : mit Stiefel und Sporä hoch zu Ross. :

Das Huus stad uf der Muurä, mier singids denä richä Buurä. Das Huus das isch mit Schindlä deckt, : mier hend das ganz Huusvolch verweckt. :

Die Frau, die hed äs suubers Huus, äs lauft kei Muus dur Stubä uus. Die Frau, die hed ä gradä Gang, : die Stubädili isch lädälang. : 

Der Huusvater treid ä höchä Huät, er isch in allnä Ehrä guät. Der Huusvater sitzt im Fädäräspiel, : er hed äs Frauäli, wen är wil. :

Die Annä, die treid äs Chränzli vo Gold, es isch irä ä schönä Kna-ab hold. Wohl hinder dem Gläsli, da brünnt der Wii, _ es möcht der Joseb Bätschert sii. : 

Mier stiigid ufä bis under d First, si hauet üs abbä Späck und Wurst. Mier ghörid das Chübäli dräjä, : si wend üs äs Nidäli bläjä. :

Mier ghörid das Schlüssäli chlinglä, si wend üs nu Nüssli bringä. Mier ghörid der Chastä verspeerä, : si wend üs zwe Batzä vereehrä. :

Der Himmel und der ist heiter Glanz, mier bätid gärä der Rosächranz. Zum Herrgott wit über der Ärdä, : es söll, Gott b hüet üs, so wäärdä. :