Uf um Stoos ob Schwyz

1. Uf um Stoos ob Schwyz, isch äs Paradiis, da chömid all vo nah und färn und ä jedä mit sim Stärn. Miär gand z Bärg, juhee, wend Alpärosä gseh und ä frohä Juuz, ghörsch uf Stoos ob Schwyz.
   Jodel
2. Uf um Stoos ob Schwyz, isch äs Paradiis, im Summer git s da Edelwiiss und im Winter Schnee und Iis. Und gar mängi Fee, flügt i Pulvärschnee und der Schatz rüeft: Hey! I hilf där scho uf d Bei.
   Jodel
3. D Bärgbahn fahrt uf Stoos, das isch dä ganz gross, äs gaht nüd lang bis dobä bisch, dobä isch dä d Luft ganz frisch. Chunnt d Fronalp in Sicht, stiigsch i Sässellift und dä uf dä Höhn, da isch dä d Uussicht schön.
   Jodel